Бекјард Ултра не е типична атлетска трка; тоа е тест на издржливост, одлучност и другарство. Замислете да трчате во круг повторно и повторно, долг точно 6.706 km во одреден временски период, додека не остане само еден тркач. Предизвикот не е само да го завршите секој круг, туку да го направите тоа во дозволеното време, поместувајќи ги вашите физички и ментални граници до крај.

За прв пат кај нас на 19 Октомври ќе се одржи Националното првенство во БЕКЈАРД во склоп на Сателитското светско тимско првенство.
Пропозиции:
- Секоја држава одбира репрезентација од 15 луѓе кои ќе трчаат на бекјард организиран во својата земја.
- Секој бекјард започнува истовремено (14:00 на 19 октомври 2024 година по македонско време)
- Секој завршен круг по член на тим се бодува со по 1 бод.
- Сите трки ќе имаат интернет конекција каде што секој час ги внесуваат спортистите кои ќе го завршат тој час во google лист.
- Резултатите веднаш ќе бидат на интернет за сите репрезентации, така што секогаш знаете како котира вашиот тим.
- Резултатот е доста динамичен, тимовите добиваат и губат позиција секој час, според тоа колку спортисти имаат уште во конкуренција.

Натпреварот помеѓу земјите е поделен на класи врз основа на искуството на членовите на репрезентацијата. Ние, Македонците би се натпреварувале во најмалата класа бидејќи немаме спортист со претходно 24 часовно искуство во БЕКЈАРД. Така што нашиот тим ќе се натпреварува против тимови со слични способности. Но, тоа е големо искуство за сите учесници, бидејќи се во трка, каде што сите се дел од тим и тоа бара голема меѓусебна поддршка. Секој е тркач се бодува, така што секој од 15-те репрезентативци е подеднакво важен.

На крајот, победникот на Панкс Бекјард Ултра 2024 ќе се смета за национален шампион на Македонија во бекјард.
А најдобрите 50 национални шампиони (според поминато растојание) добиваат покана за светско индивидуално првенство во Октомври 2025 година во САД.

Селектор за Македонија - Дејан Крле, за да бидете дел од репрезентацијата доколку сметате дека можете да придонесете заедно да направиме резултат од светски ранг пишете ми или јавете ми се. Селекцијата ќе ја одбереме врз основа на ултра трчачко искуство, итра бодови и во заеднички договор. 

Предлог листа на пријавени репрезантивци

Тимови од 4 лица (сеедно дали исклучиво машки, женски или мешани ... тимови)
Дајте си име на тим и маскирајте се ако сакате или дресови исти носете.
Секој од вас влегува како индивидуален тркач и трча нормално, но вашите кругови исто така ќе се бројат заедно за екипното натпреварување.
Поддржувајте се еден со друг за да продолжите. Кога еден од членовите е DNF - ги поддржува другите.