Punk's Backyard Ultra не е обичен настан во трчање. Тоа не е само трка, тоа е крајната мерка за човечката издржливост. Каде е ТВОЈАТА граница? Дали е тоа 5 или 15 кругови? Дали е тоа 24 или 100 кругови? Единствената сигурна работа за Punk's Backyard Ultra е дека часовникот не запира додека не се откаже последниот натпреварувач. Сместена во Велопаркот во Негорски бањи крај Гевгелија, ПБУ е своја посебна лига. Патеката долга 6,7 километри ќе ве одведе низ добро воспоставена патека МТБ, борова шума, урбан парк и лозови насади со неверојатни погледи кон планината Кожуф.
БЕКЈАРД УЛТРА КОНЦЕПТ
Форматот на трката на Backyard Ultra е прилично едноставен. Треба да трчате циклус од 6,7 километри во рок од еден час, секој час, додека не остане само еден учесник во трката.
GPX патека (наскоро)БЕКЈАРД СТРАТЕГИЈА
Значи, ако завршите круг за 45 минути, имате 15 минути пред да започне следниот круг. Што ќе правите со вашето време зависи целосно од вас, но МОРА да бидете на стартната линија пред да започне следниот круг. Има три предупредувачки ѕвона на три, две и една минута пред стартот, така што сите учесници се свесни за претстојното време за старт. Во суштина, секој час има нова трка. Не е важно колку брзо или бавно ќе го истрчате кругот, сè додека се вратите на целта пред прекинот на 1 час. Во традиционалниот ултра маратон, можете да искусите и ментални и физички падови во трката, но и да си дојдедете насебе на најблиската освежителна станица. За жал, го немате истиот луксуз во Backyard Ultra. Не можете да си дозволите да имате „лош“ круг. Часовникот никогаш не запира.
БЕКЈАРД ТАКТИКА
Зошто трчам 6,7 км континуирани кругови во борова шума во два часот по полноќ? Зошто се изложувам на непотребно страдање додека моите пријатели уживаат во телешката супа и топлото лепче? Зошто да започнете трка каде неуспехот е речиси загарантиран? Ова се прашања само вие можете да одговорите. Она што можеме да го гарантираме е дека Punk's Backyard Ultra ќе биде врежан во вашата меморија засекогаш. Се гледаме на патеката!
